Sieva birra

Maid mearkkaša Sieva?

Sieva lea sátni mii mearkkaša ahte juoga lea fiidnát go fiidnámus, dahje čábbát go čábbámus. Lea vuogas sátni mii heive bures duodjesátnin, go dat čilge duoji mas it gávnna boastuvuođaid ja lea ráinnas duodji.

Makkár bálvalusaid fállá Sieva?

Leat go guhká háliidan sámi hámat biktasiid, muhto it dieđe gos don galggát gávdnat du mielamiel biktasa? De lea Sieva Design rievttes fitnodat dutnje!

Sieva Design váldobálvalus lea hábmet sámi hámat biktasiid, mii heivejuvvo juste du goruthámi mielde. Halidat go jáhka mas lea sámi hápmi, dahje eara biktasa mii guhka galga bisttit dus, sáhttá Sieva Design hábmet dan dunnje du jurdagiid ja hámi mielde.

Sámi hámat biktasa sáhttá juohkehaš atnit, juogo leat sápmelaš dahje it muhto beroštat sámi kultuvrras ja hálidat coggalit sámi biktasa nalá. Sápmelaš gii hálida čiŋadit čáppa sámi hámat biktasin, muhto ii ráske gávtti atnet, de lea Sieva Design rievttes sadji diŋgot biktasa.  Seammas leat gudnijáhttemen sámi kultuvrra go oastat biktasa mis.

 

Ná ráhkaduvvo du bivttas

01

Álggahančoahkkin

Sieva Design ja oasti álggaheaba jurdagiidguin maid oasti juogada, ja mihttuid mihttidit oastit.

02

Gávdnat jurdaga

Oasti jurdagiid mielde hábmejuvvo bivttashápmi.

03

Geahččaladdat

Oasti geahččala biktasa vuoi beassa heivehit su mielde dan.

04

Heivehit

Bivttas heivehuvvo oasti mielde maŋŋel go lea geahččalan dan.

05

Maŋŋemus geahččaleapmi

Nuppes vel ferte geahččalit vuoi oaidna dárbbaša go rievdadit maidege.

06

Gárvet

Bivttas gárvejuvvo ja oasti šaddá duhttavaš dainnan.

Manne fálan giehtadudjon buktagiid?

Sieva Design fállá dán bálvalusa go dudjon dárbbaša boahtet viidát oidnosii. Leat sámi mállet biktasat ja buktagat maht galget čájehit ahte mii sámit gávdnot, ja ahte sápmelaš lea maid álgoálbmot mainnan mii galgat leat vuovdnát. Galga maid oidnot buktagiin ahte ii leat fabrihkka gálvu, muhto ráinnas giehtaduodji ráhkaduvvon sámis.  Sámi buktagat ánsášit oidnogoahtet ja báitit viidát!

Duddjot lea áddjás bargu, danne máksá

Sieva Design ráhkada buktagiid maiguin oasti galgá leat duhtávaš. Giehtaduodji lea áddjás bargu mii dahká duoji nannoseabbon ja bistileabbon.

Sieva Designas lea árbevirolas máhttu duogážin, ja čuovvu boazojagibargguid. Dihto áigodagaid jagis ferte vuoruhit ávdnasit háhkat ja čohkket ovdali go duddjot.

 

Oasáš Sieva bargguin

2012

Thon Hotell Kautokeino

Sara Ellen Anne`s buollai bivttas hábmen beroštupmi go vuittii Thon Hotell gáktegilvvu Guovdageainnus.

2018

Elle Márjá Eira

Elle Márjá Eira dingui gihccanáhkke beaskajáhka maid atná iežas bargguid oktavuođas.

2019

Sieva Design almmuheapmi

I 2019 almmuha Sieva Design iežas vuosttaš bivttas kollekšuvnnain Giellaváhkku oktavuođas Álttás.

2020

Fred Renè Buljo - KEiiNO

2020 oasálastti "Skal Vi Danse" nammásaš tv prográmmai ja dingui náhkkejáhka dan oktavuođas. Maŋŋel lea oidnon lávdde nalde dainnan iežas joavkkuin KEiiNo`in.

2021

Tøndra

Sieva Design hábmii elektro pop musihka jovkkui Tøndrai sámi hámat jáhkaid.

2022

Ella Marie Hætta - Isák

Ella Marie Hætta Isaksen lei irggistis mielde Gullruten nammásaš musihkka bálkašumis Sieva Design hábmejuvvon čuvllain.